عمرك مره لقيتي طفلك بقى أناني أو عنيد أو جبان أو عنده صفة سلبية و أنت مش عارفه إيه السبب؟! و كمان الصفة بتزيد كل يوم عن اليوم اللي قبله!
الطريقة اللي بنتعامل بيها مع أولادنا في المواقف اليومية اللي بنتعرضلها مع بعض هي اللي بتأثر على شخصيتهم، وساعات كتير بنكون احنا السبب في نمو الصفة دي عندهم.
الكتاب ده مكون من مواقف بتحصل لنا كل يوم و احنا مش واخدين بالنا إن هى السبب في إن أطفالنا عندهم الصفات السلبية دي.
هتلاقي في الكتاب نفسك و أنتِ بتجيبي لطفلك الشيكولاتة اللي عايزها علشان تخلصي من زنه، هتلاقي صاحبتك اللي بتشتكي من ولادها كل شوية و هم سامعينها، هتلاقي أختك اللي بتزعق لبنتها علشان مش راضية تسلم على ناس أغراب و مواقف تانيه كتير.
و هتلاقي في الكتاب برده حل لكل مشكلة و طرق كتير لإصلاح شخصية طفلك.
