بعد ما سبنا بعض – خطوات عملية للتعامل مع وجع الانفصال

بعد ما سبنا بعض.. كتاب اتكتب علشان الناس الموجوعة من ألم الانفصال العاطفي؛ سواء كانت قصة حب أو خطوبة أو زواج. الكتاب ده للرجاله والستات، مش للستات بس وده لأن الألم رغم اختلاف شدته واختلاف تعبير كل من الراجل أو الست عنه، إلا إنه متشابه جدًا للناس اللي مرّوا بنفس التجربة.
الكتاب متقسم لـ٣ أجزاء: في أوله هيطبطب عليك بعد ما سبتوا بعض، وفي نصه هيحاول يفهمك إنتوا ليه سبتوا بعض، والجزء الأخير هيعلّمك إزاي متسيبش أو تتساب تاني.

هي رحلة هتمشيها معايا ويارب تكون رحلة خفيفة وتطلع منها أهدى وأوعى وأنضج وكلك أمل في بكرة.