الرفيق سيكو سيكو – في الحب لا تتوقع شيئا

مفيش أروش من كتاب اسمه (سيكو سيكو) عشان يعبر عن محتوي مزعج ومقلق وسط مجتمع بيهاب أي حاجة غريبة ويترجمها على إنها قلة أدب وسفالة. فالكتاب ده رسالته إنك تحاول تعيد تفكيرك في حاجات ممكن تبقى منطقية وعقلانية بس قلقك مانعك تطلعها للنور وهلعك مقيدك تناقشها بصوت عالي مع نفسك الحب، الصداقة، الجنس، العلاقات العاطفية. أغلبها مواضيع مش عارفين نوصل فيها لقناعات واضحة أو إدراكات دقيقة، ودايما المبرر إنها غلط مش مقبولة اجتماعيا، حرام! لغاية ما بقينا مشوهين وبنأذي بعض بتشوهاتنا دي، بقينا نقدس الكراهية ونروج للجهل، بقينا غرقانين في الكبت، مربوطين في زنازين الخضوع و القهر، بقينا احنا نفسنا سيكو سيكو!